Dilluns, 31 de maig de 2010

Setmana de naui emplecs deth temps

Eth Hilat d’Agents d’Igualtat dera Deputacion de Lhèida, en collaboracion damb es agents d'igualtat de cada territòri, organize ua Setmana de Naui Emplecs deth Temps que vò sensibilizar deth besonh d'ua distribucion equitativa des responsabilitats de casa.

Concrètaments, eth Conselh Generau d’Aran, coma entitat aderida ath Hilat d’Agents d’Igualtat, organize, laguens des activitats previstes en sòn Plan d'Igualtat d'Oportunitats entre Hemnes e Òmes, ua jornada titolada “Aran peth foment dera coresponsabilitat. Compartim eth Temps!”, que se harà eth 12 de junh, de 10 a 14 ores, en edifici deth Conselh Generau d’Aran.

Damb aguesta jornada se vò que, a trauès de dinamiques de grop e talhèrs-teatre, tant hemnes coma òmes, petiti e grani, toti se responsabilizen dera organizacion e realizacion des trabalhs necessaris entà mantier en bones condicions er espaci comun. Es activitats an estat pensades peth Departament d’Accion Sociau e Ciutadania dera Generalitat de Catalonha laguens d'ua campanha titolada “Compartim el Temps”.

Eth programa dera jornada ei eth següent:

TALHÈRS ENTÀS FAMILHES: Tresau pis. Sala d'Actes

“Ja ac hèsqui jo. Trinquem es ròtles de genre” i ““Pòsa-te que me cau reposar!”.

Dues sessions de cadun des talhèrs en dus torns: De 10.30 a 11.30 i de 11.45 a 12.45 ores.

TALHÈRS ENTÀ ADOLESCENTS: Prumèr pis. Sala de Plens

“Aprenem abiletats, escambiem prètzhèts” i “Compartim responsabilitats”.

Dues sessions de cadun des talhèrs en dus torns: De 10.30 a 11.30 i de 11.45 a 12.45 ores.

13 ORES: Condacondes. Tresau pis. Sala d'Actes

13.45 ORES: Aperitiu entà toti es presents/es. Tresau pis. Sala d'Actes

Atau madeish, ath long de tota era jornada, ena entrada deth Conselh i aurà ua taula informativa damb jòcs e materiau diuèrs entà trabalhar era coresponsabilitat en casa e es familhes participantes receberàn un diplòma de Familha Coresponsabla.