Dijous, 20 de maig de 2010

Er empresariat dera Val d'Aran se forme en igualtat d'oportunitats

Eth Conselh Generau d’Aran acuelhec ager dimars, 18 de mai, era prumèra session de formacion en igualtat d'oportunitats entath sector dera ostaleria e eth torisme.

Era tecnica deth Seminari Interdisciplinar d’Estudis de la Dona dera Universitat de Lleida, Maika Molina, siguec era encargada d'impartir aguesta jornada, titolada “Igualtat ei qualitat empresariau”, qu'anaue adreçada ar empresariat dera Val d’Aran.

Aguesta activitat s’includic laguens deth Plan d’Igualtat deth Conselh Generau d’Aran, que se desvolòpe ena Val d’Aran mercés ath supòrt dera Deputacion de Lhèida e eth sòn projècte decidit entà desvolopar en tot eth nòste territòri era Igualtat d’oportunitats.

Era tecnica hec ua analisi des besonhs deth sector dera Ostaleria e dera situacion des hemnes laguens deth sector, es estereotips e es discriminacions que les afècten. Molina expliquèc es beneficis economics que pòt auer entara empresa desvolopar mesures de Responsabilitat Sociau e Igualtat d’Oportunitats, coma es mesures de conciliacion dera vida familhau, personau e professionau e es Plans d'Igualtat.

Entà acabar, era jornada abordèc era experiéncia de bones practiques en Responsabilitat Sociau enes PIMES de Mataró e es prèmis que pòt recéber ua empresa per implementar aguestes practiques, coma es qu'autrege annauments era Fundación Alares, er Ajuntament de Lleida e era Distincion d’Igualtat d’Oportunitats deth Ministèri d’Igualtat.

Aquesta acció, s’emmarca dins del programa “Xarxa d’Agents Locals d’Igualtat” promogut per la Diputació de Lleida